2022, neu

Aktiv & Vital KW 1/22: Neujahrssprüche

Unser Tipp

Fangen Sie doch das neue Jahr einmal mit alten, bekannten und weniger bekannten, Pfälzer Neujahrsprüchen an, die in den letzten Jahren eher in Vergessenheit geraten sind.

Neijohrsspruch

Prost Neijohr!
E Bretzel wie es Scheierdor
E Kuche wie e Ofeplatt,
Do wern mer allminanner satt!

 

Prost Neijohr

Prost Neijohr ihr Leit,
jetzt simmers geweiht
des alte, des buckliche Johr.
Die Glock hot geleit
mer wäre so weit
mer kriehn jetzt e neies devor.

 

Des alt war uns recht,
mol gut und mol schlecht
mer han uns so dorchbalanziert
jetzt werd sich gesput
mer fasse uns Mut
damit uns des nei net falliert.

 

Prost Neijohr, Ihr Leit
jetzt simmer gescheit
un nemme uns net so viel vor!
‘s werd nimand beneit
‘s is geschtern wie heit
un morje im annere Johr.

 

Mer halle jo still
‘s kann komme wies will
mer wisse, ‘s is halt mol so.
Geht de Wei nor net aus
un die Lieb bleibt im Haus
dann simmer zufriede un froh.

 

Prost Neijohr Ihr Leit,
jetzt simmers geweiht
des alte, des buckliche Johr.’
Die Glock hot geleit
mer wäre soweit
mer kriehn jetzt e neies devor.

Liesl Ott 1900-1983

Quelle: Kleines Pfälzer Weihnachtsbuch